John Thomas Mhina Sepeku

Wasifu mfupi wa John Thomas Mhina Sepeku, aliyekuwa Askofu wa kwanza wa Kanisa Anglikana Dayosisi ya Dar es Salaam, na Askofu Mkuu wa kwanza wa Kanisa Anglikana Tanzania. Historia hii imetegemea sana maelezo kutoka kwa watu mbalimbali waliomjua katika uhai wake, pamoja na kumbukumbu kutoka katika nyaraka mbalimbali. Ni miaka zaidi ya mia moja tangu kuzaliwa kwa Askofu Mkuu Sepeku na miaka arobaini na tatu tangu afariki dunia. Ingawa makusudio ni historia ya Askofu Mkuu Sepeku, kitabu pia kinatoa historia fupi ya Kanisa Anglikana Tanzania, baadhi ya shule zake na vyuo vyake, na watu wengine wa kikanisa. Mwandishi Jaji Ramadhani, mzaliwa wa Kiungani Unguja Zanzibar, alikuwa Katibu wa Halmashauri ya Mtaa wa Mtakatifu Albano wakati Sepeku akiwa Askofu wa Dayosisi ya Dar es Salaam.