Cha Kale ni Dhahabu

Tawasifu ya Kiswahili ya Yussuf Rajabu Makamba, mkulima na mfugaji, Afisa Mstaafu wa JWTZ, na kiongozi wa kisiasa wa muda mrefu wa Tanzania. Makamba amewahi kuwa Mbunge, Katibu Mkuu wa CCM, Mjumbe wa Kamati Kuu ya Halmashauri Kuu ya CCM Taifa, Mkuu wa Wilaya, Mkuu wa Mkoa wa Morogoro, Kigoma, na Dar es Salaam, Mwenyekiti wa Baraza la Taifa la Usalama Barabarani, na Mjumbe wa Baraza la Michezo la Taifa. Dkt. Jakaya M. Kikwete, Rais wa Awamu ya Nne wa Tanzania, anakumbuka kuwa alimfahamu vizuri Makamba walipokuwa mafunzoni Monduli mwaka 1976-77, na akautambua uwezo wake wa uongozi, vipaji adimu vya kuhamasisha, kuunganisha watu, kujieleza, na ubunifu, pamoja na moyo wake wa kujituma na uhodari wa kazi. Ndiyo maana Rais Kikwete alimteua Makamba kuwa Mkuu wa Mkoa na Mbunge, na alipokuwa Mwenyekiti wa CCM alimteua kuwa Katibu Mkuu wa chama.