Haki, Amani na Maendeleo

Haki, amani na maendeleo ni vitu muhimu katika maisha ya binadamu. Binadamu hawezi kupata maendeleo ya kweli kama hakuna haki; aidha maendeleo hayapatikani kama hakuna amani; nayo amani haitakuwepo kama hakuna haki. Mambo yote hayo matatu yanategemeana. Pamoja na kutegemeana huko, haki inachukua nafasi ya kwanza kwani ndiyo inayozaa hayo mengine mawili. Miongoni mwa mambo mengine, kitabu hiki kinajadili mfumo wa utoaji haki nchini Tanzania, mahakama za Tanzania, hali halisi ndani yake, na nini kifanyike ili kurekebisha mambo. Mwandishi, Mh. Jaji Steven James Bwana, amekuwa mtumishi wa Mahakama tangu mwaka 1975, na mwaka 2008 aliteuliwa kuwa Jaji wa Mahakama ya Rufani Tanzania. Hiki ni kitabu chake cha tisa.