Peponi

Tafsiri ya Kiswahili ya riwaya Paradise ya Abdulrazak Gurnah, mshindi wa Tuzo ya Nobel ya Fasihi ya mwaka 2021. Hii ni tafsiri ya kwanza ya riwaya za Gurnah katika lugha yoyote ya Kiafrika. Mtafsiri ni Dkt. Ida Hadjivayanis, Mhadhiri Mwandamizi wa Masomo ya Kiswahili SOAS, Chuo Kikuu cha London. Mzaliwa wa Afrika ya Mashariki, Yusuf anaondoka kwao kwa ghafla akiwa na umri wa miaka kumi na mbili. Haimjii hata kwa sekunde moja kwamba atakuwa mbali na wazazi wake kwa muda mrefu, wala hafikirii kuuliza atarudi lini. Yusuf anaamini kuwa anamsindikiza Ami Aziz, lakini ukweli ni kwamba ami yake ni mfanyabiashara tajiri mkubwa, na Yusuf amewekwa rehani ili kulipia madeni ya baba yake. Yusuf anasafiri katika miji na vitongoji vingi, anakutana na watu wa kila namna, na anabalehe katika dunia inayobadilika kwa kasi kutokana na kuingia kwa ukoloni na udhalimu wake. Gurnah ni Profesa wa Masomo ya Kiingereza na Fasihi za Kikoloni katika Chuo Kikuu cha Kent.