Hofu

Riwaya ya Kiswahili ya A. E. Musiba inayotumia mhusika maarufu wa mwandishi, mpelelezi Willy Gamba. Mauaji ya kikatili yanafanyika karibu na mji wa Uitenhage nchini Afrika Kusini, siku ya kuwakumbuka wazalendo waliouawa Sharpeville mwaka 1960. Makaburu wanatishiwa na kujawa na hofu, wakitilia shaka njama za kikundi cha watu weusi kutaka kupindua serikali yao ya kibaguzi. Viongozi wa jeshi la usalama na magaidi wasaliti wa UNITA wanapanga wimbi la mauaji kuharibu mkutano wa wapigania uhuru wa Afrika Kusini unaofanyika Arusha, Tanzania. Umoja wa wapigania uhuru unaandaa kikundi makini. Mpelelezi nguli wa Afrika, Willy Gamba, na wenzake kutoka nchi za kusini mwa Afrika wanakabiliana na makaburu na vikundi vya kigaidi. Hekaheka zinatokea Arusha. Mwindaji awa mwindwaji.