Kusadikika

Riwaya maarufu ya Sheikh Shaaban Robert iliyochapishwa kwa mara ya kwanza wakati wa ukoloni. Ni hadithi ya kifalsafa ya nchi au ufalme wa kubuni ambapo dhuluma zinatendwa dhidi ya kila kanuni ya haki, sheria, na ubinadamu. Kutoka kwa bingwa wa lugha na utamaduni wa Kiswahili. Shaaban Robert ni mwandishi maarufu kushinda wote katika jamii za Waswahili kote Afrika ya Mashariki na Kati. Kwa zaidi ya miaka kumi na tano, vitabu vyake havikupatikana Tanzania kwa sababu kampuni ya kigeni iliyovichapisha iliacha kuvichapisha kutokana na hali mbaya ya uchumi. Athari ya kupotea kwa vitabu vyake ni kwamba Watanzania wengi hawamjui mwandishi huyu maarufu. Kwa kuvichapisha tena vitabu vya Marehemu Sheikh Shaaban Robert, Watanzania, hasa vijana, wanakaribishwa tena kuvisoma.