Ukombozi wa Wanyama

Tafsiri ya Kiswahili ya kitabu Animal Liberation (Ukombozi wa Wanyama) cha Peter Singer, iliyofanywa na Deogratias M. Simba. Tangu chapisho la kwanza mwaka 1975, kazi hii yenye kuleta mageuzi makubwa imewaamsha mamilioni ya watu katika kung’amua uwepo wa uspishi, yaani kutokujali kwa kimfumo dhidi ya wanyama wasio binadamu, na hivyo kuchochea harakati kote ulimwenguni za kuleta mabadiliko katika mitazamo yetu kuhusu wanyama. Peter Singer anaanika uhalisia wa kutisha wa mashamba-viwanda ya kisasa na hatua za upimaji bidhaa, akitungua hoja muflisi za utetezi, na kupendekeza mbadala wa kile ambacho kimekuja kuwa suala zito la kimazingira, kijamii, na kimaadili. Kitabu kimepokelewa kwa sifa kubwa: Jane Goodall kikisema ni kitabu kilichomuletea mabadiliko makubwa, New York Times kikisifia ujenzi wa hoja wa makini na wenye fikra nzito, na Chicago Tribune kikikielezea kama kitabu kitakachobadili namna wengi wetu tunavyowachukulia wanyama na, hatimaye, sisi wenyewe.