Ujanajike

Riwaya ya Kiswahili iliyoandikwa na Dotto Rangimoto, mshindi wa Tuzo ya Kiswahili ya Safal-Cornell ya Fasihi ya Afrika mwaka 2022. Huu ni ushindi wake wa pili wa tuzo hiyo, baada ya kushinda mwaka 2017 na diwani yake Mwanangu Rudi Nyumbani (Row 173), ikimfanya kuwa mtu wa kwanza na wa pekee kushinda Safal-Cornell mara mbili kwenye vipengele tofauti. Kabula anazaliwa na kulelewa katika jamii inayotawaliwa na mfumodume. Anasimanzika kufukuzwa shule kwa sababu ya ujauzito huku aliyeshiriki naye ngono akiendelea na masomo hadi chuo kikuu. Wakati Kabula akiwa fukara mwenye jukumu la ulezi, mwenzake anakuwa Rais wa nchi asiyejali mtoto wake wa ujana. Katika hali isiyotarajiwa, Kabula anashuhudia mjukuu wake akifukuzwa shule kwa sababu ileile iliyomsibu yeye. Kabula alikubali kuishi chini ya mfumodume, lakini kwa mjukuu wake mambo ni tofauti kabisa: ameapa kupambana na mfumo huo.