Vitimbi vya Mama wa Kambo na Hadithi Nyingine

Mkusanyiko wa hadithi fupifupi za Kiswahili zilizoandikwa na Ally Yusuf Mugenzi. Vitimbi vya Mama wa Kambo, Wivu, Radhi za Wazazi, Rafiki Maluuni, Mchumba Kaka, na Adui Mama ni hadithi zinazosawiri jamii alimochipukia mwandishi, au kuishi na kufanya kazi akiwa polisi, mwandishi wa habari, na mtangazaji wa redio katika nchi za Tanzania, Rwanda, Burundi, na Uingereza kwa takribani miaka 40. Kitabu hiki ni matokeo ya maombi ya watu wengi waliomsikiliza katika kipindi cha Hadithi na Muziki cha Redio Rwanda katika miaka ya 1980 na 1990. Hadithi hizi pia zimekuwa zikitumiwa na wakuza mitaala mashuleni. Mugenzi alijiunga na Chuo cha Uandishi wa Habari Tanzania mwaka 1978, aliajiriwa na SHIHATA, alihamia Redio Rwanda, kisha BBC, ambapo alianzisha idhaa ya kukutanisha watu waliotenganishwa na mauaji ya kimbari ya Rwanda, baadaye ikaitwa Idhaa ya Maziwa Makuu, anayoiongoza hadi sasa.