Uwazi na Ukweli – 3

Kitabu cha tatu katika mfululizo wa Uwazi na Ukweli vyenye mkusanyo wa hotuba za kila mwisho wa mwezi za Mheshimiwa Rais Benjamin W. Mkapa. Sambamba na kuendeleza falsafa yake ya Uwazi na Ukweli, Rais Mkapa anaeleza na kufafanua kwa mapana masuala yanayogusa maslahi ya taifa: utandawazi na ushirikiano baina ya mataifa duniani; demokrasia na wajibu wa viongozi wa mataifa kwa wananchi wao; usalama wa chakula na matatizo ya misaada kutoka mataifa makubwa; maendeleo na ufikiwaji wa Malengo ya Maendeleo ya Milenia; na tathmini ya ubinafsishaji. Pia anaeleza Mpango wa Kurasimisha Rasilimali na Biashara za Wanyonge Tanzania (MKURABITA) ambao Rais anaamini utafungua njia kwa makabwela kujipatia mikopo na mitaji ya kuanzishia na kuendeshea miradi midogomidogo ya kujikimu kimaisha. Kwa Watanzania wote wanaotaka kufuatilia utendaji wa serikali waliyoiweka madarakani.