Uwazi na Ukweli – 5

Kitabu cha tano na cha mwisho katika mfululizo wa Uwazi na Ukweli vyenye hotuba za kila mwisho wa mwezi za Rais Benjamin W. Mkapa wa Serikali ya Awamu ya Tatu. Mfululizo huu una malengo makuu matatu: kwanza, kufanya hotuba hizo kuwa chanzo kimojawapo cha elimu ya ziada kuhusu mambo mbalimbali ya kitaifa na kimataifa, sababu zake na mwelekeo wake; pili, hotuba hizo zilikuwa sehemu mojawapo ya uwajibikaji wa Rais kwa wananchi, kwani alikuwa na wajibu wa kuwajulisha yale aliyokuwa akifanya na sababu zake; na tatu, hotuba hizo ni mwendelezo wa juhudi za awamu zote za uongozi wa nchi yetu kuimarisha misingi ya utawala bora. Kitabu kinakamilisha mkusanyo wa hotuba zote za kila mwisho wa mwezi za Rais Mkapa, rekodi ya kiutafiti muhimu ya kipindi cha Awamu ya Tatu kwa wanahistoria, viongozi, walimu, na wanafunzi.