Popo, Ndege na Panya

Hadithi ya watoto ya Kiswahili iliyoandikwa na Hamis Akida. Popo alikuwa akirandaranda na kuzurura akitafuta familia ambayo ingeweza kumpokea na kumpenda. Kwanza alikwenda kwa panya lakini panya walimkana. Halafu alikwenda kwa ndege, nao pia wakamkataa. Baada ya hapo alikwenda kwa binadamu, na huyo ndiyo kabisa, akamtimua. Lakini mambo yalikuja yakageuka. Waliomkataa wakataka sasa awe jamaa yao. Soma ugundue hawa ni nani. Katika kisa hiki cha kuhuzunisha na kufurahisha, Popo aliamua hatimaye kuwa, kumbe ulimwenguni kuna vitu vingine vya maana vya kuwaza kuliko kuwa ndege au panya. Kitabu cha picha kinachowafundisha watoto kuhusu kujitambua, utambulisho, na thamani ya kukubali asili yako.