Kisa cha Mpiga Zeze na Binti Mfalme

Hadithi ya watoto ya Kiswahili iliyoandikwa na Mehta Abeid, mwandishi hodari wa hadithi za watoto na za vijana. Hii ni hadithi tamu yenye kuonyesha mapenzi, uvumilivu, na mwishowe mafanikio. Mpiga zeze hodari lakini maskini anaamua kufanya kila awezalo ili aweze kumwoa Binti Mfalme. Kati ya nia yake na mafanikio kuna nchi ya mbali na yenye watu wa hatari wenye miguu mitatu na uwezo wa kuruka. Hapa nguvu hazifui dafu. Ni akili na bahati kubwa, kwa sababu si wachache waliojaribu. Yeye tu ndiye aliyefanikiwa. Kwa nini? Kwa sababu sauti yake tamu ilimfungulia mlango ambao usingefunguka kwa nguvu yoyote nyingine. Kitabu cha picha kinachofundisha watoto kuhusu uvumilivu, thamani ya talanta, na kwamba akili na sanaa vinaweza kushinda pale ambapo nguvu peke yake zinashindwa.